Beogradi pret më shumë bashkëpunim me pasardhësin e Feithit

Drejtuesi i të ashtuquajturës Ministri për Kosovën në qeverinë serbe, Goran Bogdanovic ka thënë se nga përfaqësues e ardhshëm i BE-së në Kosovë pret qasje më të balancuar ndaj Kosovës dhe me këtë edhe komunikim më të madh me Beogradin se sa ka ekzistuar deri më tani.

“Me Pieter Feithin nuk kemi pasur kurrfarë komunikimi, jo vetëm për atë që ai ka qenë ithtar i pavarësisë së Kosovës, por edhe për atë se qëndrimet e tij, retorika dhe qasja e zgjidhjes së problemeve kanë qenë të papranueshëm për bashkësinë serbe”, ka thënë Bogdanovic për agjencinë Beta.

Ai ka vlerësuar se mosvazhdimi i mandatit të Feithin për përfaqësues të posaçëm të BE-së në Kosovë, nuk është kthesë e politikës së BE-së që do të reflektojë statusin neutral, por si ndërrim persona. /Telegrafi/