Arsenali afër nënshkrimit me Vrsaljko

Mbrojtësi i Dinamo Zagrebit, Sime Vrsaljko, raportohet se është në prag t’i bashkohet Arsenalit.

Daily Mail shkruan se Vrsaljko do të kompletojë transferimin te ekipi londinez para mbylljes së afatit kalimtar dimëror, për një shumë që thuhet të jetë 12.9 milionë funte.

Marrëveshja do ta shohë Vrsaljko të mbyllë sezonin te kampioni i Kroacisë si i huazuar, para se t’i bashkohet ekipit të parë gjatë verës.

Vrsaljko sapo ka mbushur 19 vjet këtë muaj dhe është talenti i fundit që del nga akademia e Dinamos, që ka nxjerrë yje si treshja e Tottenhamit, Luka Modric, Niko Kranjcar dhe Vedran Corluka dhe ish-sulmuesi e Arsenalit, Eduardo.