Askush se do bashkimin me LDK-në

Kryetar i LDD-së, Nexhat Daci i ka përcjell mesazhin elektoratit të vet, se LDD-ja do ta vazhdojë rrugën si subjekt i vetëm politik.

Në një intervistë për Epokën e Re, Daci ka thënë se LDD-ja në statutin e saj do të ruajë filozofinë rugoviane si dhe do t’i ngjallë aktivitetet nëpër nëndegë e degë në gjithë Kosovën.

Ai ka sqaruar se kanë marrë fund përpjekjet për bashkim me LDK-në.

“Ky debat për bashkim kanë marrë fund thuajse prej fillimit kur është nisur. Jemi shumë të hapur për bashkëpunim konstruktiv, për bashkëpunim si subjekt politik me dikë që ka pasur të njëjtin fondament në kuptimin e ecjes përpara. Asnjë anëtar në mbledhjen e Këshillit Kombëtar nuk ka propozuar të shkojmë atje. Askush nuk dëshiron bashkim. Ata thonë se nuk jemi në zor me u shit për ‘topat’ personal apo privatë të dikujt”, ka thënë Daci, transmeton Indeksonline. /Telegrafi/