Hoxhaj vazhdon takimet në SHBA

Gjatë vizitës së tij zyrtare në Shtetet e Bashkuara të Amerikës, ministri i Punëve të Jashtme i Republikës së Kosovës, Enver Hoxhaj, të hënën dhe të martën do të ketë takime me zyrtarë të lartë të Departamentit amerikan të Shtetit.

Hoxhaj, po ashtu, do të takohet me një grup të madh të kongresmenëve amerikanë, si dhe do të mbajë një ligjëratë në Qendrën për Strategji dhe Studime Ndërkombëtare.

Gjatë qëndrimit në Washington, ministri Hoxhaj do të takohet edhe me shumë personalitete të jetës publike në Amerikë dhe me miq të Republikës së Kosovës atje. /Telegrafi/