Mungesa e Haradinajt - hendikep për Kosovën

Në kuadër të njëmbëdhjetë vjetorit të themelimit, Aleanca e të
Rinjve të Kosovës përmes një kampanje “Rinia me Ramushin” do të
organizojë aktivitete të ndryshme në mbështetje të liderit të AAK-së,
Ramush Haradinaj.Kryetari i të rinjve të AAK-së, Gent
Begolli ka thënë se mungesa e kryetarit Haradinaj në skenën politike,
dhe në veçanti në momentet kruciale nëpër të cilat po kalon vendi, po
dëshmohet si një hendikep i madh për proceset e shtetndërtimit dhe të
ardhmen euro-atlantike të vendit.
Begolli ka thënë konsolidimi dhe zhvillimi i shtetit të Kosovës ka
nevojë më shumë se kurrë për Ramush Haradinaj, nga se siç ka thënë ai,
mungesa e tij në këto procese është duke e thelluar krizën politike dhe
institucionale dhe në veçanti duke e dëmtuar esencialisht demokracinë në
Kosovë. Sipas tij edhe tre vjet pas shpalljes së pavarësisë së Kosovës
perspektiva e rinisë është ngulfatur dhe cenuar nga kjo qeverisje e
papërgjegjshme dhe pa vizion. /Zëri/Telegrafi/