Rigjykimi i Haradinajt më 18 gusht?

Përsëritja e gjykimit të ish-komandantit të Ushtrisë Çlirimtare dhe
ish-kryeministrit të Kosovës, Ramush Haradinajt, mund të fillojë më 18
gusht, ka deklaruar në Beogradf zëdhënësja e Tribunalit të Hagës, Nerma
Jelaçiq, njofton FoNet.

Pas gjykimit të parë,në prill të vitit
2008, Tribunali e kishte liruar të pafajshëm Haradinajn dhe të akuzuarin
e dytë, Haradin Balajn, kurse i akuzuari i tretë, Lahi Ibrahimaj ishte
dënuar më gjashtë vjet burgim për krime ndaj të burgosurve në kampin e
UÇK-së në fshatin Jabllanicë të Deçanit, thekson FoNeti.

Prokuroria
ishte ankuar ndaj këtij vendimi dhe rigjykimi u vendos për shkak se,
siç thuhet, gjatë gjykimit të parë nuk u morën në pyetje dy dëshmitarë
vendimtarë të padisë, të cilët refuzuan të shkonin në Hagë për të
dëshmuar për shkak të frikësimit.