Philip Gordon, javën e ardhshme në Kosovë

Ndihmëssekretari amerikan i Shtetit, Philip Gordon do të
vizitojë javën e ardhshme në vendet e Ballkanit Perëndimor, njoftoi
Departamenti Amerikan i Shtetit.Gjatë kësaj vizite, Gordon do të qëndrojë edhe në Kosovë, ku do të takohet me zyrtarë të lartë institucionalë.
Pritet që gjatë vizitës, ai të jap përkrahjen e SHBA-ve për të gjitha
vendet e kësaj pjese të Ballkanit, që ende nuk është integruar në BE.
Gordon, i cili mbulon në Departamentit Amerikan të Shtetit Evropën
dhe Euroazinë, përpos në Prishtinë, do të qëndrojë edhe në Beograd,
Sarajevë dhe Zagreb, dhe do të takohet me përfaqësues të lartë të
qeverive dhe liderët e partive dhe bashkësive etnike. /Telegrafi/