Projektligji për vlerat e luftës procedohet javën e ardhshme?

Qeveria e Kosovës në mbledhjen e javës së ardhshme do t’ia procedojë Kuvendit të Kosovës, Projektligjin për vlerat e luftës.

Kështu tha të premten, zëvendëskryeministri Hajredin Kuçi, pas takimit me përfaqësuesve të organizatave të dala nga lufta e UÇK-së, por të cilët nuk janë pjesë e organizimit të grevës.

Sipas Kuçit, ky ligj do t’i plotësojë kërkesat e të gjitha kategorive, veteranëve, familjeve të dëshmorëve e invalidëve të luftës.

Mirëpo, në tendat e vendosura para objektit të ekzekutivit kosovar ka vazhduar greva e veteranëve të UÇK-së. Ata u shprehen të vendosur për vazhdimin e grevës deri në miratimin e ligjit. /Telegrafi/