Djurin: Ndryshimi i kufijve me pasoja në rajon

Ambasadori serb në Maqedoni, Tomislav Djurin, nuk beson se është e mundur një ndarje e re e Kosovës, përkundër deklaratave të zëvendëskryeministrit të Serbisë, Ivica Dacic, se duhet të bëhet përpilim i ri i kufijve në baza etnike.

“Ky nuk është qëndrim zyrtar i qeverisë serbe, por është qëndrimi i tij personal. Ne respektojmë normat e të drejtës ndërkombëtare, Nuk vjen parasysh asnjë ndryshim të kufijve të Ballkanit, sepse ajo do të shkaktonte reaksione të ashpra dhe do të kishte pasoja politike jo vetëm për Ballkanin, por edhe më gjerë”, ka thënë Djurin në një intervistë për Zhurnal.

Sipas tij, Serbia po bën negociata me Prishtinën me qëllim të gjenden modalitet, me të cilat do të sigurohej jetë normale si për shqiptarët ashtu edhe për serbët e Kosovës. /Telegrafi/