Pritet zgjedhja e kryetarit të ri të AKK-së

Mbledhja plenare e radhës e Kuvendit të Kosovës do të mbahet më 8 korrik, ndërkaq do të shqyrtohen tri projektligje, si dhe Raporti vjetor i performancës me pasqyrat e audituara financiare të Zyrës së Auditorit të Përgjithshëm, për vitin 2010.

Deputetët do të shqyrtojnë për herë të parë tri projektligje, atë për përgjegjësinë e personave juridik për vepra penale, Projektligjin për bashkëpunim juridik ndërkombëtar në çështjet penale, si dhe Projektligjin për arsimin parauniversitar në Republikën e Kosovës.

Kryesia, pasi është njoftuar me informatën e kryetarit të Agjencisë Kundër Korrupsionit se atij i ka skaduar mandati, e ka autorizuar Komisionin për Legjislacion të ndërmarrë proceduarat e nevojshme për zgjedhjen e kryetarit të ri të AKK-së. /Telegrafi/