Pohor bisedon me Tadicin, do të takohet me Thaçin

Kryeministri i Sllovenisë, Borut Pahor, gjatë takimit me kancelaren e Gjermanisë, Angela Merkel, të martën në Lubjanë ka paralajmëruar se “parashikon të takohet edhe me kryeministrin e Kosovës, Hashim Thaçin”.

Ai nuk ka pranuar që të flas për detaje rreth këtij takimi, por ka folur rreth “mundësisë së marrëveshjes mes Beogradit dhe Prishtinës”, raportojnë mediat serbe.

Sllovenia, ka potencuar Pahor, në esencë ka pikëpamje identike me kancelaren gjermane për çështjen e Kosovës, edhe në “një mënyrë të menduar më detajisht se që atë e paraqiti Merkel në Beograd”.

Pahor ka theksuar se gjatë fundjavës që shkoi ka pasur “një bisedë shumë të rëndësishme” me presidentin serb, Boris Tadic, dhe e ka paraqitur qasjen e tij për zgjidhjen e problemit të Kosovës, të cilin e ka prezantua në Berlin dhe Washington. /Koha/Telegrafi/