Stefanovic: Për Jarinje e Bërnjak flasim herën tjetër

Shefi i delegacionit serb për bisedime me Kosovën, Borislav Stefanovic, ka thënë se marrëveshja për vulat “nuk aludon në statusin dhe shtetësinë e Kosovës dhe se për këtë ekzistojnë garanci të qarta ndërkombëtare”.

Pas kthimit nga Brukseli, Stefanovic ka thënë se dje nuk është bërë fjalë për pikat kufitare në Jarinje dhe Bërnjak, dhe “se kjo është temë për takimet e ardhshme”.

Siç transmeton “Beta” fjalët e tij, “për Serbinë është e papranueshme ardhja e doganierëve të Kosovës aty”.

Ai po ashtu ka thënë se pret që brenda disa ditëve të hiqet embargo ndaj mallrave serbe në Kosovë. /Telegrafi/