Mihajlovic: Vështirë ta ruajmë paqen në veri

Shefi i Kancelarisë së qeverisë së Serbisë për bashkëpunim me media, Milivoje Mihajlovic, ka thënë se pas konfliktit të djeshëm në Jarinje, është vështirë për ta mbajtur situatën pa konflikte.

“Mendoj se është në interesin e serbëve të Kosovës që të mos ketë incidente. Do të mundohemi t’i shmangemi çfarëdo situate që mund të sjellë shpërthime, por kjo tash do të jetë e vështirë”, ka thënë Mihajlovic, transmeton “Blic”.

Ai ka shtuar se përfaqësuesit e qeverisë në Beograd kanë frikë nga incidentet nga pala serbe në veri, që nga djegia e pikës kufitare në veri të Kosovës.

“Kishim frikë nga incidentet nga pala serbe. Mirëpo, Beogradi disi ia ka arritur ta ruaj paqen pa incidente. Pas ngjarjeve të djeshme, do të jetë më vështirë për ta mbajtur paqen”.

Mihajlovic ka thënë po ashtu se nuk janë barrikadat arma e vetme e serbëve “për t’u mbrojtur nga pavarësia e Kosovës, sepse lufta kryesore bëhet në New York e Bruksel dhe se qëllimi i Prishtinës është që në çdo mënyrë të ta dobësojë pozicionin e Serbisë”. /Telegrafi/