Reeker në Beograd, zgjidhja e problemeve me dialog

Ministri i mbrojtjes i Serbisë, Dragan Sutanovac, dhe zyrtari i lartë i Departamentit amerikan të shtetit, Philip Reeker, kanë theksuar se vazhdimi i dialogut Beograd – Prishtinë, është mënyra më e mirë për zgjidhjen e problemeve në interes të të gjithë qytetarëve të Kosovës.
“Sutanovac ka thënë se vetëm vazhdimi i dialogut Beograd – Prishtinë, mund t’i kontribuoj gjetjes së zgjidhjeve përkatëse në interes të të gjithë banorëve të Kosovës, ndërsa Reeker ka vlerësuar se vazhdimi i dialogut është rast shumë i mirë për kapërcimin e të gjitha problemeve administrativo-teknike, të cilat e kanë sjellë krijimin e krizës në Kosovë”, njofton Ministria e Mbrojtjes e Serbisë, raporton REL.

“Zyrtari i lartë i Departamentit amerikan të shtetit më tutje i ka shprehur falënderim Serbisë për qëndrimin parimor, që me dialog dhe veprimtari diplomatike ‘t’i zgjidhë momentet krizë’ në Kosovë”, thuhet në kumtesë.

Gjatë qëndrimit të tij në Beograd, Reeker është takuar edhe me zëvendës kryeministrin Bozidar Djelic, dhe ministrin e brendshëm, Ivica Dacic. /Telegrafi/